[CPD Classification 2.5.7]
\n[PTS Vol Pv - ] [\z Pv /] [\f I /]
\n[BJT Vol Pv - ] [\z Pv /] [\w I /]
\n[BJT Page 100] [\x 100/]
\n[PTS Page 045] [\q  45/]
Suttantapiṭake
\nPetavatthupāḷi

Namo tassa bhagavato arahato sammā sambuddhassa.
\n4. Mahāvaggo

4. 1

526. Vesālī nāma nagaratthi vajjīnaṃ
\nTattha ahu licchavi ambasakkharo,
\nDisvāna petaṃ nagarassa bāhiraṃ
\nTattheva pucchitthaṃ taṃ kāraṇatthiko.

527. Seyyā nisajjā nayimassa atthi
\nAbhikkamo natthi paṭikkamo vā1,
\nAsitapītakhāyitavatthabhogā
\nParicārikā sāpi2 imassa natthi

528. Ye ñātakā diṭṭhasutā suhajjā
\nAnukampakā yassa pubbe ahesuṃ3,
\nDaṭṭhumpi te dāni na taṃ labhanti
\nVirādhitatto4 hi janena tena.

529. Na oggatantassa bhavanti mittā
\nJahanti mittā vikalaṃ viditvā,
\nAtthañca disvā parivārayanti
\nBahū ca mittā uggatattassa honti.

530. Nihīnatto sabbabhogenahi kiccho
\nSammakkhito samparibhinta gatto,
\nUssāvabinduva palippamāno5
\nAjja suve jīvitassūparodho.

[PTS Page 046] [\q  46/]

531. Etādisaṃ uttamakicchapattaṃ
\nUttāsitaṃ pucimandassa sūle,
\nAttha tvaṃ kena vaṇṇena vadesi yakkha
\nJīva bho jīvitameva seyyoti.

532. Sālohito esa ahosi mayhaṃ
\nAhaṃ sarāmi purimāya jātiyā,
\nDisvā ca me kāruññamahosi rāja
\nMā pāpadhammo nirayaṃ patāyaṃ.

533. Ito cuto licchavi esa poso
\nSattussadaṃ nirayaṃ ghorarūpaṃ,
\nUpapajjati dukkatakammakārī
\nMahābhitāpaṃ kaṭukaṃ bhayānakaṃ

1. Paṭikkamo ca - machasaṃ.
\n2. Pariharaṇā - pu. , Paricāraṇā - keci.
\n3. Ahesuṃ pubbe - machasaṃ.
\n4. Virājitatto - machasaṃ.
\n5. Palimpamāno - machasaṃ.

[BJT Page 102] [\x 102/]

534. Anekabhāgena guṇena seyyo
\nAyameva sūlo nirayena tena,
\nEkantadukkhaṃ kaṭukaṃ bhayānakaṃ
\nEkantatippaṃ nirayaṃ patāyaṃ.

535. Idañca sutvā vacanaṃ mameso
\nDukkhūpanīto vijaheyya pāṇaṃ,
\nTasmā ahaṃ santīke na bhaṇāmi
\nMā me kato jīvitassūparodho.

536. Aññato eso purisassa attho
\nAññampi icchāmase pucchituṃ tuvaṃ,
\nOkāsakammaṃ sace no karosi
\nPucchāmi taṃ na ca no kujjhitabbaṃ.

537. Addhā paṭiññā me tadā ahu
\nNācikkhanā appasantassa hoti,
\nAkāmā saddheyyavacoti katvā
\nPucchassu maṃ kāmaṃ yathā visayhaṃ

538. Yaṃ kiñcāhaṃ cakkhunā passissāmi
\nSabbatampi tāhaṃ abhisaddaheyyaṃ,
\nDisvāna taṃ nopi ce saddaheyyaṃ
\nKareyyāsi me yakkha niyassakammaṃ.

[PTS Page 047] [\q  47/]

539. Saccappaṭiññā tava mesā hotu
\nSutvāna dhammaṃ labhassuppasādaṃ,
\nAññatthiko no ca paduṭṭhacitto
\nYaṃ te sutaṃ asutaṃ cāpi dhammaṃ
\nSabbaṃ ācikkhissaṃ yathā pajānaṃ

540. Setena assena alaṅkatena
\nUpayāsi sūlāvutakassa santike,
\nYānaṃ idaṃ abbhutaṃ dassaneyyaṃ
\nKissetaṃ kammassa ayaṃ vipāko.

541. Vesāliyā tassa nagarassa majjhe
\nCikkhallamagge narakaṃ ahosi,
\nGosīsamekāhaṃ pasannacitto
\nSetaṃ gahetvā narakasmiṃ nikkhipiṃ.

1. Paṭiññātame taṃ - machasaṃ.

[BJT Page 104] [\x 104/]

542. Etasmiṃ pādāni patiṭṭhapetvā
\nMayañca aññe ca atikkamimha,
\nYānaṃ idaṃ abbhutaṃ dassaneyyaṃ
\nTasseva kammassa ayaṃ vipāko.

543. Vaṇṇo ca te sabbadisā pabhāsati
\nGandho ca te sabbadisā pavāyati,
\nYakkhiddhipattosi mahānubhāvo
\nNaggo cāsi kissa ayaṃ vipāko.

544. Akkodhano niccapasannacitto
\nSaṇhāhi vācāhi janaṃ lapemi, 1
\nTasseva kammassa ayaṃ vipāko
\nDibbo me vaṇṇo satataṃ pabhāsati.

545. Yasañca kittiñca dhamme ṭhitānaṃ
\nDisvāna mantemi pasannacitto,
\nTasseva kammassa ayaṃ vipāko
\nDibbo me gandho satataṃ pavāyati.

[PTS Page 048] [\q  48/]

546. Sahāyanaṃ titthasmiṃ nahāyantānaṃ2
\nThale gahetvā nidahissa dussaṃ,
\nKhiḍḍatthiko no ca paduṭṭhacitto
\nTenamhi naggo kasirā ca vutti

547. Yo kīḷamāno pakaroti pāpaṃ
\nTassidisaṃ3 kammavipākamāhu
\nAkīḷamāno pana yo karoti
\nKiṃ tassa kammassa vipākamāhu.

548. Ye duṭṭhasaṅkappamānā manussā
\nKāyena vācāya ca saṅkiliṭṭhā,
\nKāyassa bhedā abhisamparāyaṃ
\nAsaṃsayaṃ te nirayaṃ upenti.

549. Apare pana sugatiṃ āsamānā
\nDāne ratā saṃgahitattabhāvā,
\nKāyassa bhedā abhisamparāyaṃ
\nAsaṃsayaṃ te sugatiṃ upenti.

1. Upemi - machasaṃ,
\n2. Nahāyantānaṃ - machasaṃ.
\n3. Tassedisaṃ - machasaṃ.

[BJT Page 106] [\x 106/]

550. Taṃ kinti jāneyyaṃ ahaṃ avecca
\nKalyāṇapāpassa ayaṃ vipāko,
\nKiṃ vāhaṃ disvā abhisaddabheyyaṃ
\nKo vāpi maṃ saddabhāpeyya etaṃ

551. Disvā ca sutvā vā1 abhisaddahassu
\nKalyāṇapāpe ubhaye asante
\nKalyāṇapāpassa ayaṃ vipāko,
\nSiyā nu sattā sugatā duggatā vā.

552. No cettha kammāni kareyyuṃ maccā
\nKalyāṇipāpāni manussaloke,
\nNāhesuṃ sattā sugatā duggatā vā
\nHīnappaṇitā ca manussaloke.

553. Yasmā ca kammāni karonti maccā
\nKalyāṇapāpāni manussaloke,
\nTasmā hi sattā sugatā duggatā vā
\nHīnappaṇītā ca manussaloke

[PTS Page 049] [\q  49/]

554. Dvayajja kammānaṃ vipākamāhu
\nSukhassa dukkhassa ca vedanīyaṃ,
\nTā devatāyo paricārayanti paccenti2 bālā dvayataṃ apassino.

555. Namatthi kammāni sayaṃ katāni
\nDatvāpi me natthi so ādiseyya, acchādanaṃ sayanamathannapānaṃ
\nTenamhi naggo kasirā ca vutti.

556. Siyā nu kho kāraṇaṃ kiñca yakkha
\nAcchādanaṃ yena tuvaṃ labhetha,
\nĀcikkha me taṃ yadatthi hetu
\nSaddhāyitaṃ hetu vaco suṇoma.

557. Kappinako3 nāma idhatthi bhikkhu
\nJhāyī susīlo arahā vimutto.
\nGuttindriyo saṃvutapātimokkho
\nSītībhūto uttamadiṭṭhipatto.

558. Sakhilo vadaññū suvaco sumukho
\nSvāgamo suppaṭimuttako ca,
\nPuññassa khettaṃ araṇavihārī
\nDevamanussānañca dakkhiṇeyyo.

1. Sutvā - sīmu [i]
\n2. Paccanti - sīmu [i]
\n3. Kappitako - machasaṃ.
\n[BJT Page 108] [\x 108/]
\n559. Santo vidhūmo anīgho nirāso
\nMutto visallo amamo avaṅko,
\nNirūpadhi sabbapapañca khīṇo
\nTisso vijjā anuppatto jūtīmā.

560. Appaññāto disvāpi na sujāno
\nMunīti naṃ vajjisu voharanti,
\nJānanti taṃ yakkhabhūtā anejaṃ
\nKalyāṇadhammaṃ vicaranti1 loke.
\n561. Tassa tuvaṃ ekaṃ yugaṃ duve vā
\nMamuddisitvāna sace dadetha,
\nPaṭiggahītāni ca tāni assu
\nMamañca passetha sannaddhadussaṃ.
\n[PTS Page 050] [\q  50/]
\n562. Kasmiṃ padese samaṇaṃ vasantaṃ
\nGantvāna passemu mayaṃ idāni,
\nSamajja2 kaṅkhaṃ vicikicchitañca
\nDiṭṭhivisūkāni ca ko vinodaye. 3

563. Eso nisinno kapinaccanāyaṃ
\nParivārito devatāhi bahūhi.
\nDhammiṃ yathaṃ bhāsati saccanāmo
\nSakasmimācerake appamatto.

564. Tathāhaṃ kassāmi gantvā idāni
\nAcchādayissaṃ samaṇaṃ yugena,
\nPaṭiggahītāni ca tāni assu
\nTuvañca passemu sannaddhadussaṃ.

565. Mā akkhaṇe pabbajitaṃ upāgami
\nSādhu vo licchavi nesa dhammo,
\nTato ca kāle upasaṅkamitvā
\nTattheva passāhi raho nisinnaṃ.

566. Tathāti vatthā agamāsi tattha
\nParivārito dāsagaṇena licchavi,
\nSo taṃ nagaraṃ upasaṅkamitvā
\nVāsūpagacchittha sake nivesane.

1. Vicarantaṃ - sīmu [i]
\n2. Yo majja - machasaṃ. 3. Vinodeyya me - machasaṃ.

[BJT Page 110] [\x 110/]

567. Tato ca kāle gihikiccāni katvā
\nNahātvā pivitvā ca khaṇaṃ labhitavā,
\nViceyya peḷāto yugāni aṭṭha
\nGāhāpayī dāsagaṇena licchavi.

[PTS Page 051] [\q  51/]

568. So taṃ padesaṃ upasaṅkamitvā
\nTamaddasā samaṇaṃ santacittaṃ,
\nPaṭikkamantaṃ gocarato nivattaṃ
\nSītibhūtaṃ rukkhamūle nisinnaṃ.

569. Tamenaṃ avoca upasaṅkamitvā
\nAppābādhaṃ phāsuvihārañca pucchi.
\nVesāliyaṃ licchavihaṃ bhadante
\nJānanti maṃ liccavi ambasakkharo.

570. Imāni me aṭṭhayugā subhāni
\nPatigaṇha bhante padadāmi tuyhaṃ.
\nTeneva atthena idhāgatosmi
\nYathā ahaṃ attamano bhaveyyaṃ.
\n571. Duratova samaṇā brāhmaṇā ca
\nNivesanaṃ te parivajjayanti,
\nPattāni bhijjanti ca te nivesane
\nSaṅghāṭiyo cāpi vipāṭayanti. 1

572. Athāpare pādakuṭhārikābhi
\nAvaṃsirā samaṇā pātayanti,
\nEtādisaṃ pabbajitā vihesaṃ
\nTayā kataṃ samaṇā pāpuṇanti.

573. Tiṇena telampi na tvaṃ adāsi
\nMūḷahassa maggampi na pāvadāsi,
\nAndhassa daṇḍaṃ sayamādiyāsi
\nEtādiso kadariyo asaṃvuto2
\nAtha tvaṃ kena vaṇṇena kimeva disvā
\nAmhehi saha saṃvibhāgaṃ karosi,

574. Paccemi bhante yaṃ tvaṃ vadesi
\nVihesayiṃ samaṇe brāhmaṇe ca,
\nKhiḍḍhattiko no ca paduṭṭhacitto
\nEtampi me dukkaṭameva bhante.
\n[PTS Page 052] [\q  52/]
\n1. Vidāḷayanti - machasaṃ.
\n2. Asaṃvuto tuvaṃ - machasaṃ.

[BJT Page 112] [\x 112/]

575. Khiḍḍāya yakkho pasavitva pāpaṃ
\nCedeti dukkhaṃ asamatta bhogī,
\nDaharo yuvā nagganiyassa bhāgī
\nKiṃsu tato dukkhatarassa hoti.

576. Taṃ disvā saṃvegamalatthaṃ bhante
\nTappaccayā tāhaṃ dadāmi dānaṃ,
\nPaṭigaṇha bhante vatthayugāni aṭṭha
\nYakkhassimā gacchantu dakkhiṇāyo.

577. Addhāhi dānaṃ bahudhā pasatthaṃ
\nDadato ca te akkhayadhammamatthu,
\nPaṭigaṇhāmi te vatthayugāni aṭṭha
\nYakkhassimā gacchantu dakkhiṇāyo.

578. Tato ca so ācamayitva licchavi
\nTherassa datvāna yugāni aṭṭha,
\nPaṭiggahītāni ca tāni cassu
\nYakkhañca passetha sannaddhadussaṃ.
\n579. Tamaddasā candanasāralittaṃ
\nĀjaññamārūḷhamuḷāravaṇṇaṃ,
\nAlaṅkataṃ sādhu nivatthadussaṃ
\nParivāritaṃ yakkhamahiddhipattaṃ

580. So taṃ disvā attamano udaggo
\nPahaṭṭhacitto ca subhaggarūpo,
\nKammañca disvāna mahāvipākaṃ
\nSandiṭṭhikaṃ cakkhunā sacchikatvā.

581. Tamenaṃ avoca upasaṅkamitvā
\nDassāmi dānaṃ samaṇabrāhmaṇānaṃ,
\nNa cāpi me kiñci adeyyamatthi
\nTuvaṃ ca me yakkha bahūpakāroti.

[PTS 053]

582. Tuvaṃ ca me licchavī ekadesaṃ
\nAdāsi dānāni amoghametaṃ,
\nSvāhaṃ karissāmi tayā ca1 sakkhiṃ
\nAmānuso mānusakena saddhinti.

1. Tayā ca - machasaṃ.

[BJT Page 114] [\x 114/]

583. Gatī ca bandhū ca parāyaṇañca
\nMitto mamāsi atha devatāsi,
\nYācāmahaṃ1 pañjaliko bhavitvā
\nIcchāmi taṃ yakkha punāpi daṭṭhūnti.

584. Sace tuvaṃ assaddho bhavissasi
\nKadariyarūpo vippaṭipannacitto,
\nTeneva maṃ na licchasi dassanāya
\nDisvā ca taṃ nopi ca ālapissaṃ.

585. Sace2 tuvaṃ bhavissasi dhammagāravo
\nDāne rato saṅgahitattabhāvo,
\nOpānabhūto samaṇabrāhmaṇānaṃ
\nEvaṃ mamaṃ lacchasi dassanāya.

586. Disvā ca taṃ ālapissaṃ bhadante
\nImañca sūlato lahuṃ pamuñca,
\nYato nidānaṃ akarimbha sakkhiṃ
\nMaññāma sūlāvutakassa kāraṇā.

587. Te aññamaññaṃ akarimha sakkhiṃ
\nAyañca sūlāvuto3 lahuṃ pamutto,
\nSakkacca dhammāni samācaranto
\nMucceyya so nirayā ca tamhā.

588. Kammaṃ siyā aññatra vedanīyaṃ
\nKapapinakañca [PTS Page 054] [\q  54/]      upasaṅkamitvā,
\nTeneva saha saṃvibhajitva kāle
\nSayammukhenupanisajja puccha.

589. So te akkhissati etamatthaṃ
\nTameva bhikkhuṃ upasaṅkamitvā,
\nPucchassu aññatthiko no ca paduṭṭhacitto
\nSo te sutaṃ asutaṃ cāpi dhammaṃ,
\nSabbampi akkhissati yathā pajānaṃ.

590. So tattha rahassaṃ samullapitvā
\nSakkhiṃ karitvāna amānusena,
\nPakkāmi so licchavīnaṃ sakāsaṃ
\nAtha brūvi parisaṃ sannisinnaṃ.

1. Yācāmi taṃ - machasaṃ.
\n2. Sace pana - machasaṃ.
\n3. Sūlato - machasaṃ.
\n[K-7-03]

[BJT Page 116] [\x 116/]

591. Suṇantu bhonto mama ekavākyaṃ
\nVaraṃ varissa labhissāmi atthaṃ,
\nSulāvuto puriso luddakammo
\nPaṇihitadaṇḍo anusattarūpo

592. Ettāvatā vīsati rattimattā
\nYato āvuto neva jīvati na mato,
\nTāhaṃ mocayissāmi dāni
\nYathāmati anujānātu saṅghoti.
\n593. Etañca aññaṃ ca lahuṃ pamuñca
\nKo taṃ vadetha tathā karontaṃ,
\nYathā pajānāsi tathā karohi
\nYathāmati anujānāti saṅghoti.

594. So taṃ padesaṃ upasaṅkamitvā
\nSūlāvutaṃ mocayi khippameva,
\nMā bhāyi sammāti ca taṃ avoca
\nTikicchakānañca upaṭṭhapesi.
\n[PTS Page 055] [\q  55/]

595.  Kappinakañca upasaṅkamitvā
\nTena samaṃ saṃvibhajitvā kāle,
\nSayammukhenupanisajja licchavi
\nTatheva pucchitthaṃ naṃ kāraṇatthiko.

596. Sūlāvuto puriso luddakammo
\nPaṇihutadaṇḍo anusattarupo,
\nEttāvatā vīsatirattimattā
\nYato āvuto neva jīvati na mato.

597. So mocito gantvā mayā idāni
\nEtassa yakkhassa vaco hi bhante,
\nSiyā nu kho kāraṇaṃ kiñcideva
\nYena so nirayaṃ no vajeyya

598. Ācikkha yadi atthi hetu
\nSaddhāyitaṃ hetu vaco suṇoma,
\nNa tesaṃ kammānaṃ vināsamatthi
\nAvedayitvā idha byantibhāvo.

[BJT Page 118] [\x 118/]

599. Sace sa dhammāni1 samācareyya
\nSakkacca rattindivamappamatto
\nMucceyya so nirayā ca tamhā
\nKammaṃ siyā aññatra vedanīyanti.

600. Aññato eso purisassa attho
\nMamampidāni anukammapa bhante,
\nAnusāsa maṃ ovada bhūripañña
\nYathā ahaṃ no nirayaṃ vajeyyanti.

601. Ajjeva buddhaṃ saraṇaṃ upehi
\nDhammañca saṅghañca pasannacitto,
\nTatheva sikkhāya padāni pañca
\nAkhaṇḍa phullāni samādiyassu.

602. Pāṇātipātā viramassu khippaṃ
\nLoke adinnaṃ parivajjayassu
\nAmajjapo mā ca musā abhāṇī
\nSakena dārena ca hohi tuṭṭho,
\nImañca ariyaṃ aṭṭhaṅgavarenupetā
\nSamādiyāhi kusalaṃ sukhudrayaṃ

[PTS Page 056] [\q  56/]

603. Cīvaraṃ piṇḍapātañca paccayaṃ sayanāsanaṃ
\nAntaṃ pānaṃ khādanīyaṃ vatthasenāsanāni ca,
\nDadāhi ujubhūtesu vippasannena cetasā.

604. Bhikkhū pi sīlasampanne vītarāge bahussute
\nTappehi annapānena sadā puññaṃ pavaḍḍhati.

605. Evañca dhammāni samācaranto
\nSakkacca rattindivamappamatto,
\nMucceyya so tvaṃ nirayā ca tamhā
\nKammaṃ siyā aññatra vedanīyanti.

606. Ajje va buddhaṃ saraṇaṃ upemi
\nDhammañca saṅghañca pasannacitto,
\nTatheva sikkhāya padāni pañca
\nAkhaṇuḍaphullāni samādiyāmi.

607. Pāṇātipātā viramāmi khippaṃ
\nLoke adinnaṃ parivajjayāmi,
\nAmajjapo no ca musā bhaṇāmi
\nSakena dārena va bhomi tuṭṭho,
\nImañca ariyaṃ aṭṭhaṅga varenupetaṃ,
\nSamādiyāmi kusalaṃ sukhudrayaṃ

1. Kammāni - pa, sīmu [ii]

[BJT Page 120] [\x 120/]

608. Cīvaraṃ piṇḍapātañca paccayaṃ sayanāsanaṃ,
\nAnnaṃ pānaṃ khādanīyaṃ vatthasenāsanāni ca.

609. Bhikkhu pi sīlasampanne vītarāge bahussute,
\nDadāmi na vikampāmi buddhānaṃ sāsane rato.

610. Etādiso licchavi ambasakkharo
\nVesāliyaṃ aññataro upāsako,
\nSaddho mudukārakaro ca bhikkhu
\nSaṅghañca sakkacca tadā upaṭṭhahi.

611. Sūlāvuto ca arogo hutvā
\nSerī sukhī pabbajjaṃ upāgami,
\nBhikkhuñca āgamma kappinakuttamaṃ
\nUbhopi sāmaññaphalāni ajjhaguṃ.

[PTS Page 057] [\q  57/]

612. Etādisā sappurisāna sevanā
\nMahapphalā hoti sataṃ vijānataṃ,
\nSūlāvuto aggaphalaṃ aphassayi
\nPhalaṃ kaniṭṭhaṃ pana ambasakkharo’ti.

Ambasakkharapetavatthu paṭhamaṃ.

4. 2

613. Suṇātha1 yakkhassa ca vāṇijāna ca
\nSamāgamo yattha tadā ahosi,
\nYathā kathaṃ itarītarena cāpi
\nSubhāsitaṃ tañca suṇātha1 sabbe.

624. Yo so ahu rājā pāyāsi nāmo
\nBhummānaṃ sahavyagato2 yasassī,
\nSo modamānova sake vimāne
\nAmānuso mānuse ajjhahāsīti.

625. Vaṅke araññe amunassaṭṭhāne
\nKantāre appodake appabhakkhe,
\nSuduggame vaṇṇupathassa majjhe,
\nVaṅkaṃ bhayā naṭṭhamanā manussā.

1. Suṇotha - sīmu [ii] machasaṃ.
\n2. Sahabya - machasaṃ.

[BJT Page 122] [\x 122/]

616. Nayidha phalā mūlamayā ca santi
\nUpādānaṃ natthi kuto idha bhakkho,
\nAññatra paṃsūhi ca vālukāhi ca
\nTattāhi uṇhāhi ca dāruṇāhi ca.

617. Ujjaṅgalaṃ tattamivaṃ kapālaṃ
\nAnāyasaṃ paralokena tulyaṃ,
\nLuddānamāvāsamidaṃ purāṇaṃ
\nBhūmippadeso abhisattarūpo.

618. Atha tumhe kena vaṇṇena
\nKimāsamānā imaṃ padesaṃ hi.
\nAnuppaviṭṭhā sahasā samecca
\nLobhā bhayā athavā sampamūḷhā.

619. Magadhesu aṅgesu ca satthavāhā
\nĀropayitvā paṇiyaṃ puthuttaṃ,
\nTe yāmase sindhusovīrabhūmiṃ
\nDhanatthikā uddayaṃ patthayānā

620. Divā pipāsaṃ’nadhi vāsayantā1
\nYoggānukampañca samekkhamānā,
\nEtena vegena āyāma sabbe
\nRattiṃ maggaṃ paṭipannā vikāle.

621. Te duppayātā aparaddhamaggā
\nAndhākulā vippanaṭṭhā araññe,
\nSuduggame vaṇṇupathassa majjhe
\nDisaṃ na jānāma pamūḷhacittā.

622. Idañca disvāna adiṭṭhapubbaṃ
\nVimānaseṭṭhañca tuvañca yakkha,
\nTaduttariṃ jīvitamāsamānā
\nDisvā patīnā sumanā udaggāti.

623. Pāraṃ samuddassa idañca vaṇṇuṃ
\nVettācaraṃ saṅkupathañca maggaṃ,
\nNadiyo pana pabbatānañca duggā
\nPuthuddisā gacchatha bhogahetu.

624. Pakkhandiyāna vijitaṃ paresaṃ
\nVerajjake mānuse pekkhamānā,
\nYaṃ vo sutaṃ vā athavāpi diṭṭhaṃ
\nAccherakaṃ taṃ vo suṇoma tātā.

1. Pipāsaṃ anadhivāsayantā - sīmu. [Ii]

[BJT Page 124] [\x 124/]

625. Itopi accherataraṃ kumāra
\nNa no sutaṃ vā athavāpi diṭṭhaṃ,
\nAtītamānusakkameva sabbaṃ
\nDisvāna tappāma anomavaṇṇaṃ.

626. Vehāsayaṃ pokkharañño savanti
\nPahūtamalyā bahupuṇḍarīkā,
\nDumācime niccaphalūpapannā
\nAtīva gandhā surabhiṃ pavāyanti.

627. Veḷuriyatthamhā satamussitāse
\nSilāppavāḷassa ca āyataṃsā,
\nMasāragallā saha lohitaṅkā
\nThamhā ime jotirasāmayāse.

628. Sahassatthambhaṃ atulānubhāvaṃ
\nTesūpari sādhumidaṃ vimānaṃ,
\nRatanantaraṃ kañcanavedimissaṃ
\nTapanīyapaṭṭehi ca sādhu channaṃ.

629. Jambonaduttattamidaṃ sumaṭṭho
\nPāsādasopānaphalupapanno,
\nDaḷho ca vaggu sumukho susaṃgato1
\nAtīva nijjhānakhamo manuñño.

630. Ratanantarasmiṃ bahuannapānaṃ
\nParivārito accharāsaṃgaṇena,
\nMurajja2 āḷambaraturiyaghuṭṭho
\nAbhivanditosi thutivandanāya.

631. So modayi nārigaṇappabodhano
\nVimānapāsādavare manorame,
\nAcintiyo sabbaguṇūpapanno
\nRājā yathā vessavaṇo naḷinyā.

632. Devo nu āsi uda vāsi yakkho
\nUduhu devindo manussabhūto,
\nPucchanti taṃ vāṇijā satthavāhā
\nĀcikkha ko nāma tuvaṃsi yakkhāti.

633. Serissako nāma ahampi yakkho
\nKantāriyo vaṇṇupathamhi gutto,
\nImaṃ padesaṃ abhipālayāmi
\nVācaṅkaro vessavaṇassa rañño.

1. Vaggu ca susaṃgato ca - machasaṃ.
\n2. Maraja - ma. Cha. Sa.

[BJT Page 126] [\x 126/]

634. Adhicca laddhaṃ pariṇāmajaṃ te
\nSayaṃ kataṃ udāhu devehi dinnaṃ,
\nPucchanti taṃ vāṇijā satthavāhā
\nKathaṃ tayā laddhamidaṃ manuññanti.

635. Nādhicca laddhaṃ na pariṇāmajaṃ me
\nNa sayaṃ kataṃ napi devehi dinnaṃ,
\nSakehi kammehi apāpakehi
\nPuññehi me laddhamidaṃ manuññanti.

636. Kinte vataṃ kiṃ pana brahmacariyaṃ
\nKissa suciṇṇassa ayaṃ vipāko,
\nPucchanti taṃ vāṇijā satthavāhā
\nKathaṃ tayā laddhamidaṃ vimānanti.

637. Mamaṃ1 pāyāsīti ahū samaññā
\nRajjaṃ yadā kāriyiṃ kosalānaṃ, natthikadiṭṭhi kadariyo pāpadhammo
\nUcchedavādī ca tadā ahosiṃ.

638. Samaṇo ca kho āsi kumārakassapo
\nBahussato cittakathi uḷāro,
\nSo me tadā dhammakathaṃ akāsi2
\nDiṭṭhivisūkāni vinodayī me.

639. Tāhaṃ tassa dhammakathaṃ suṇitvā
\nUpāsakattaṃ paṭivedayissaṃ,
\nPāṇātipātā virato ahosiṃ
\nLoke adinnaṃ parivajjayissaṃ.
\nAmajjapo no ca musā abhāṇiṃ
\nSakena dārena ca ahosiṃ3 tuṭṭho.

640. Taṃ me vataṃ taṃ pana brahmacariyaṃ
\nTassa suciṇṇassa ayaṃ vipāko,
\nTeheva kammehi apāpakehi
\nPuññehi me laddhamidaṃ vimānanti.

641. Saccaṃ kirāhaṃsu narā sapaññā
\nAnaññathā vacanaṃ paṇḍitānaṃ,
\nYahiṃ yahiṃ gacchati puññakammo
\nTahiṃ tahiṃ modati kāmakāmī.

1. Mama - sīmu [ii]
\n2. Abhāsi - machasaṃ.
\n3. Ahosi - machasaṃ.

[BJT Page 128] [\x 128/]

642. Yahiṃ yahiṃ sokapariddavo ca
\nVadho ca bandho ca parikkileso,
\nTahiṃ tahiṃ gacchati pāpakammo
\nNa muccati duggatiyā kadācīti.

643. Sammūḷharūpo ca jano ahosi
\nAsmiṃ muhutte kalalīkatova,
\nJanassimassa tuyhañca kumāra
\nAppaccayo kena nu kho ahosi.

644. Ime sirisūpavanā ca tātā
\nDibbā gandhā surabhiṃ1 sampavanti,
\nTe sampavāyanti imaṃ vimānaṃ
\nDivā ca ratto ca tamaṃ nihantvā2

645. Imesaṃ ca kho vassasataccayena
\nSipāṭikā phalati ekamekā,
\nMānussakaṃ vassasataṃ atītaṃ
\nYadante kāyamhi idhūpapanno.

646. Disvānahaṃ vassasatāni pañca
\nAsmiṃ vimāne katvāna tātā,
\nĀyukkhayā puññakkhayā cavissaṃ
\nTeneva sokena pamucchitosmi,

647. Kathaṃ nu soceyya tathāvidho so
\nLaddhaṃ vimānaṃ atulaṃ cirāya,
\nYe cāpi kho ittaramupapannā
\nTe nūna soceyyuṃ parittapuññā

648. Anucchaviṃ ovadiyañca me taṃ
\nYaṃ maṃ tumhe peyyavācaṃ vadetha
\nTumhe ca kho tātā mayānuguttā
\nYenicchakaṃ tena paletha sotthi,

649. Gantvā mayaṃ sindhusovīrabhūmiṃ
\nDhanatthikā uddiyaṃ patthayānā,
\nYatā payogā paripuṇṇacāgā
\nKāhāma serissamayaṃ uḷāraṃ.

1. Surahi - machasaṃ.
\n2. Nihantaṃ - pa
\n3. Dibbāni taṃ - machasaṃ.

[BJT Page 130] [\x 130/]

650. Mā ceva serissamahaṃ akattha
\nSabbañca vo bhavissati yaṃ vadetha,
\nPāpāni kammāni vivajjayātha
\nDhammānuyogañca adhiṭṭhahātha.

651. Upāsako atthi imamhi saṅghe
\nBahussuto sīlavatūpapanno,
\nSaddho ca cāgī ca supesalo ca
\nVicakkhaṇo santusito matimā.

652. Sañjānamāno na musā bhaṇeyya
\nParūpaghātāya na cetayeyya,
\nVebhūtikaṃ pisunaṃ no kareyya
\nSaṇahañca vācaṃ sakhilaṃ bhaṇeyya.

653. Sagāravo sappatisso vinīto
\nApāpako adhisīle visuddho,
\nSo mātaraṃ pitarañcāpi jattū
\nDhammena poseti ariyavutti.

654. Maññe so mātāpitunnaṃ kāraṇā
\nBhogāni pariyesati na attahetu.
\nMātāpitunnañca yo accayena
\nNekkhammapono carissati brahmacariyaṃ.

655. Ujū avaṅko asaṭho amāyo
\nNa lesakappena ca vohareyya,
\nSo tādiso sukkatakammakārī
\nDhamme ṭhito kinti labhetha dukkhaṃ.

656. Taṃ kāraṇā pātukatomhi attanā. 1
\nTasmaṃ dhammaṃ2 passatha vāṇijāse,
\nAññatra tenīha bhasmibhavetha
\nAndhākulā vippanaṭṭhā araññe.
\nTaṃ khippamānena lahuṃ parena
\nSukho bhave sappurisena saṅgamo.

657. Kiṃ nāma so kiñca karoti kammaṃ
\nKiṃ nāmadheyyaṃ kiṃ pana tassa gottaṃ,
\nMayampi naṃ daṭṭhūkāmbha yakkha
\nYassānukampāya idhāgatosi
\nLābhā hi tassa yassa tuvaṃ pihesi.

658. Yo kappako sambhavanāmadheyyo
\nUpāsako kocchaphalūpajīvī,
\nJānātha naṃ tumhākaṃ pesiyo so
\nMā kho naṃ bhīḷittha3 supesalo so.

1. Attano - machasaṃ.
\n2. Tasmā - machasaṃ.
\n3. Mā ca kho hilittha - machasaṃ.

[BJT Page 132] [\x 132/]
\n659. Jānāmase yaṃ tvaṃ vadesi yakkha
\nNa kho naṃ jānāma sa īdisoti.
\nMayampi naṃ pūjayissāma yakkha
\nSutvāna tuyhaṃ vacanaṃ uḷāraṃ.

660. Ye kecimasmiṃ satthe manussā
\nDaharā mahantā athavāpi majjhimā
\nSabbeva te ālambantu1 vimānaṃ
\nPassantu puññāna phalaṃ kadariyā.

661. Te tattha sabbeva ahaṃ pureti
\nTaṃ kappakaṃ tattha purakkhipitvā,
\nSabbeva te ālambiṃsu vimānaṃ
\nMasakkasāraṃ viya vāsavassa.

662. Te tattha sabbeva ahaṃ pureti
\nUpāsakattaṃ paṭivedayiṃsu,
\nPāṇātipātā viratā ahesuṃ
\nLoke adinnaṃ parivajjayiṃsu.
\nAmajjapā no ca musā bhaṇiṃsu
\nSakena dārena ca ahesuṃ tuṭṭhā.

663. Te tattha sabbeva ahaṃ pureti
\nUpāsakattaṃ paṭivedayitvā,
\nPakkāmi sattho anumodamāno
\nYakkhiddhiyā anumato punappunaṃ.

664. Gantvāna te sindhusovīrabhūmiṃ2
\nDhatthikā udrayaṃ patthayānā,
\nYathāpayogā paripuṇṇalābhā
\nPaccāgamuṃ pāṭaliputtamakkhataṃ.

665. Gantvāna te saṅgharaṃ sotthimanto
\nPuttehi dārehi samaṅgibhūtā,
\nĀnanda cittā sumanā patītā
\nAkaṃsu serissamahaṃ uḷāraṃ.

666. Serissakaṃ te pariveṇaṃ māpayiṃsu
\nEtādisā sappurisāna sevanā,
\nMahatthikā dhammaguṇāna sevanā,
\nEkassa atthāya upāsakassa
\nSabbeva sattā sukhitā ahesu’nti.

Serissakapetavatthu dutiyaṃ.

Bhāṇavāraṃ tatiyaṃ.
\n1. Āruhantu - machasaṃ.
\n2. Suvīrabhūmiṃ - machasaṃ.

[BJT Page 134] [\x 134/]

4. 3

[PTS Page 057] [\q  57/]

 667. Rājā piṅgalako nāma suraṭṭhānaṃ adhipati ahu,
\nMoriyānamupaṭṭhānaṃ gantvā suraṭṭhaṃ punarāgamā.

668. Uṇhe majjhantike kāle rājā paṅkaṃ upāgami,
\nAddasa maggaṃ ramaṇīyaṃ petānaṃ vaṇṇanāpathaṃ, 1

669. Sāratthiṃ āmantayī rājā ayaṃ maggo ramaṇīyo,
\nKhemo sovatthiko sivo iminā sārathi yāhi2
\nSuraṭṭhānaṃ santike ito.

670. Tena pāyāsī soraṭṭho senāya caturaṅganiyā.
\nUbbīggarūpo puriso soraṭṭhaṃ etadabravī.
\n 671. Kummaggaṃ paṭipannamhā bhiṃsanaṃ lomhaṃsanaṃ
\nPurato padissati maggo pacchato ca na dissati.

672. Kummaggaṃ paṭipannamhā yamapurisāna santike,
\nAmānuso vāyati gandho ghoso sūyati dāruṇo.
\n[PTS Page 058] [\q  58/]
\n673. Saṃviggo rājā soraṭṭho sārathiṃ etadabravi,
\nKummaggaṃ paṭipannamhā bhiṃsanaṃ lomahaṃsanaṃ,
\nPurato ca dissati maggo pacchato ca na dissati.

674. Kummaggaṃ paṭipannamhā yamapurisāna santike,
\nAmānuso vāyati gandho ghoso sūyati dāruṇo.

675. Hatthikkhandhañca āruyha olokento catuddisaṃ, 3
\nAddasa nigrodhaṃ ramaṇīyaṃ4 pādapaṃ chāyāsampannaṃ
\nNīlabbhavaṇṇasadisaṃ meghavaṇṇasirīnibhaṃ.

676. Sārathiṃ āmantayī rājā kiṃ eso dissati brahā,
\nNīlabbhavaṇṇasadiso meghavaṇṇa sirīnibho.

677. Nigrodho so mahārāja pādapo chāyāsampanno,
\nNīlabbhavaṇṇasadiso meghavaṇṇasirīnibho,

678. Tena pāyāsi soraṭṭho yena so dissati brahā,
\nNilabbhavaṇṇasadiso meghavaṇṇasirīnibho.
\n679. Hatthikkhandheto oruyha rājā rukkhaṃ upāgami,
\nNisīdi rukkhamūlaṃsmi sāmacco saparijjano.

1. Baṇṇanā pathaṃ - machasaṃ.
\n2. Yāma - machasaṃ.
\n3. Catuddisā - machasaṃ.
\n4. Addasa rukkhaṃ nīgrodha - machasaṃ.

[BJT Page 136] [\x 136/]

680. Pūraṃ pānīyakarakaṃ puve citte ca addasa,
\nPuriso ca devavaṇṇi sabbābharaṇabhūsito
\nUpasaṅkamitvā rājānaṃ soraṭṭhaṃ etadabruvi:

681. Svāgataṃ te mahārāja atho te adurāgataṃ,
\nPivatu devo pānīyaṃ pūve khāda arindama.

682. Pivitvā rājā pānīyaṃ sāmacco saparijjano,
\nPūve khāditvā ca pītvā ca soraṭṭho etadabravī:

683. Devatā nusi gandhabbo ādu1 sakko purindado,
\nAjānantā taṃ pucchāma kathaṃ jānemu taṃ mayaṃ.

684. Namhi devo na gandhabbo napi2 sakko purindado,
\nPeto ahaṃ mahārāja suraṭṭhā idhamāgato.

[PTS Page 059] [\q  59/]

685. Kiṃ sīlo kiṃ samācāro suraṭṭhasmiṃ pure tuvaṃ,
\nKena te buruhmacariyena anubhāvo3 ayaṃ tava?

686. Taṃ suṇohi mahārāja arindama raṭṭhavaḍḍhana.
\nAmaccā pārisajjā ca brāhmaṇo ca purohito.

687. Suraṭṭhasmā ahaṃ deva puriso pāpacetaso
\nMicchādiṭṭhi ca dussīlo kadariyo paribhāsako

688. Dadantānaṃ karontānaṃ vārayissaṃ bayujjanaṃ,
\nAññesaṃ dadamānānaṃ antarāyakaro ahaṃ.

689. Vipāko natthi dānassa saṃyamassa kuto phalaṃ,
\nNatthi ācariyo nāma adantaṃ ko damessati.

690. Samatulyāni bhūtāni kuto jeṭṭhāpacāyiko,
\nNatthi balaṃ viriyaṃ vā kuto uṭṭhānaporisaṃ.

691. Natthi dāna phalaṃ nāma na visodheti verinaṃ,
\nLaddheyyaṃ labheta macco niyatipariṇāmajā.

1. Adu - machasaṃ.
\n2. Namhi - machasaṃ.
\n3. Ānubhāvo - sī. Mu [I,] sī, mu [II]

[BJT Page 138] [\x 138/]

692. Natthi mātā pitā bhātā loko natthi ito paraṃ,
\nNatthi dinnaṃ natthi hutaṃ sunihitampi na vijjati.

693. Yopi bhaneyya purisaṃ parassa chindate siraṃ,
\nNa koci kiñci bhanati sattannaṃ vivaramantare

694. Acchejjabhejjo jīvo aṭṭhaṃso guḷaparimaṇḍalo,
\nYojanānaṃ sataṃ pañca ko jīvaṃ chettumarahati.

695. Yathā suttaguḷe khitte nibbeṭhentaṃ palāyati,
\nEvamevampi so jīvo nibbeṭhento palāyati.

696. Yathā gāmato nikkhamma aññaṃ gāmaṃ pavisati,
\nEvamevampi so jīvo aññaṃ kāyaṃ pavisati.

697. Yathā gehato nikkhamma aññaṃ gehaṃ pavisati,
\nEvamevampi so jīvo aññaṃ bondiṃ1 pavisati.

698. Cūḷāsītimahākappuno satasahassānipi hi ye bālā ye ca paṇḍitā,
\nSaṃsāraṃ khepayitvāna dukkhassantaṃ karissare.

699. Mitāni sukhadukkhāni doṇehi piṭakehi ca,
\nJino sabbaṃ pajānāti sammūḷhā itarā pajā.

700. Evaṃ diṭṭhi pure āsiṃ sammūḷho mohapāruto,
\nMicchādiṭṭhi ca dussīlo kadariyo paribhāsako.

701. Oraṃ me chahi2 māsehi kālakiriyā bhavissati,
\n[PTS Page 060] [\q  60/]      ekantaṃ kaṭukaṃ ghoraṃ nirayaṃ papatissahaṃ.

702. Catukkaṇṇaṃ catudvāraṃ vibhattaṃ bhāgaso mitaṃ,
\nAyopākāra pariyantaṃ ayasā paṭikujjitaṃ.

703. Tassa ayomayā bhūmi jalitā tejasā yutā,
\nSamantā yojanasataṃ pharitvā tiṭṭhati sabbadā.

1. Bundiṃ - machasaṃ.
\n2. Orehi chahi - sī.

[BJT Page 140] [\x 140/]

704. Vassasatasahassāni1 ghoso sūyati tāvade
\nLakkhe eso mahārāja satabhāgavassa2 koṭiyo

705. Koṭisatasahassāni niraye paccare janā,
\nMicchādiṭṭhi ca dūssīlā ye ca ariyūpavādino.

706. Tatthāhaṃ dīghamaddhānaṃ dukkhaṃ vedissaṃ vedanaṃ
\nPhalaṃ pāpassa kammassa tasmā socāmahaṃ bhūsaṃ

707. Taṃ suṇohi mahārāja arindama raṭṭhavaḍḍhana,
\nDhītā mayhaṃ mahārāja uttarā bhaddamatthu te.

708. Karoti bhaddakaṃ kammaṃ sīlesūposathe3 rathā
\nSaññatā saṃvibhāgī ca vadaññū vītamaccharā.

709. Akhaṇḍakārī sikkhāya saṇhā parakulesu ca,
\nUpāsikā sakyamunino sambuddhassa sirīmato,

710. Bhikkhu ca sīlasampanno gāmaṃ piṇḍāya pāvisi.
\nOkkhittacakkhu satimā guttadvāro susaṃvuto.

711. Sapadānaṃ caramāno agamā taṃ nivesanaṃ,
\nTamaddasa mahārāja uttarā bhaddamatthu te.

712. Pūraṃ pānīyassa karakaṃ pūve citte ca sā adā,
\nPitā me kālakato bhante tassetaṃ upakappatu,

713. Samanantarānuddiṭṭhe vipāko upapajjatha,
\nBhuñjāmi kāmakāmīhaṃ rājā vessavaṇo yathā.

714. Taṃ suṇohi mahārāja arindama raṭṭhavaḍḍhana,
\nSadevakassa lokassa buddho aggo pavuccati,
\nTaṃ buddhaṃ saraṇaṃ gaccha saputtadāro arindama.

[PTS Page 061] [\q  61/]

715. Aṭṭhaṅgikena maggena phusanti amataṃ padaṃ,
\nTaṃ dhammaṃ saraṇaṃ gaccha saputtadāro arindama.

716. Cattāro maggapaṭipannā4 cattāro ca phale ṭhitā.
\nEsa saṅgho ujubhūto paññāsīlasamāhito,
\nTaṃ saṅghaṃ saraṇaṃ gaccha saputtadāro arindama.
\n1. Vassāni satasahassāni - si. Mu.
\n2. Bhāgassa - machasaṃ.
\n3. Uposathe sīle - machasaṃ.
\n4. Cattāro ca paṭipannā - machasaṃ.

[BJT Page 142] [\x 142/]

717. Pāṇātipātā viramassu khippaṃ
\nLoke adinnaṃ parivajjayassu,
\nAmajjapo mā ca musā abhāṇi
\nSakena dārena ca hohi tuṭṭho.

718. Atthakāmosi me yakkha hitakāmosi devate,
\nKaromi tuyhaṃ vacanaṃ tvaṃsi ācariyo mama.

719. Upemi buddhaṃ saraṇaṃ dhammañcāpi anuttaraṃ,
\nSaṅghañca naradevassa gacchāmi saraṇaṃ ahaṃ.

720. Pāṇātipātā viramāmi khippaṃ
\nLoke adinnaṃ parivajjayāmi,
\nAmajjapo no ca musā bhaṇāmi
\nSakena dārena ca bhomi tuṭṭho.

721. Opuṇāmi mahāvāte nadiyā vā sīghagāmiyā,
\nVamāmi pāpikaṃ diṭṭhiṃ buddhānaṃ sāsane rato.

722. Idaṃ vatvāna soraṭṭho viramitvā pāpadassanā,
\nNamo bhagavato katvā pāmokkhā1 rathamāruhī’ti.

Nandaka petavatthu tatiyaṃ.

4. 4

723. Uṭṭhehi revate supāpadhamme
\nApārutaṃ dvāraṃ2 adānasīle,
\nNessāma taṃ yattha thunanti duggatā.

724. Icceva vatvāna yamassa dutā2
\nTe dve yakkhā lohitakkhā brahantā,
\nPaccekabāhāsu gahetvāna revatiṃ
\nPakkāmayuṃ devagaṇassa santike.

725. Ādiccavaṇṇaṃ ruciraṃ pabhassaraṃ
\nByamhaṃ subhaṃ kañcavanajālachannaṃ,
\nKassetamākiṇṇajanaṃ vimānaṃ
\nSuriyassa raṃsīriva jotamānaṃ.
\n726. Nārigaṇā candanasāralittā
\nUbhato vimānaṃ upasobhayanti,
\nTaṃ dissati suriyasamānavaṇṇaṃ
\nKo modati saggappatto vimāne.

1. Pāmukho - machasaṃ.
\n2. Apārutadavāre - machasaṃ.
\n3. Yakkhā duve lohitabhakkhā - machasaṃ.

[BJT Page 144] [\x 144/]

727. Bārāṇasiyaṃ nandiyo nāmupāsako1
\nAmaccharī dānapatī vadaññū,
\nTassetamākiṇṇajanaṃ vimānaṃ
\nSuriyassa raṃsīriva jotamānaṃ.

728. Nārīgaṇā candanasāralittā
\nUbhato vimānaṃ upasobhayanti,
\nTaṃ dissati suriyasamānavaṇṇaṃ
\nSo modati saggappatto vimāne.

729. Nandiyassāhaṃ bhariyā
\nAgārinī sabbakulassa issarā,
\nBhattuvidhāne ramissāmi dānahaṃ2
\nNa patthaye nirayaṃ dassanāya.

730. Eso3 te nirayo supāpadhamme
\nPuññaṃ tayā akataṃ jīvaloke,
\nNa hi maccharī rosako pāpadhammo
\nSaggūpagānaṃ4 labhatī sahavyataṃ.

731. Kinnu gūthañca muttañca asuci patidissati,
\nDuggandhaṃ kimidaṃ mīḷahaṃ kimetaṃ upavāyati,

732. Esa saṃsavako nāma gambhīro sataporiso,
\nYattha vassasahassāni tuvaṃ paccasi revate.

733. Kinnu kāyena vācāya manasā dukkaṭaṃ kataṃ,
\nKena saṃsavako laddho gambhīro sataporiso.

734. Samaṇe brāhmaṇe cāpi aññe cāpi vaṇibbakekha,
\nMusāvādena vañcepi taṃ pāpaṃ pakataṃ tayā.

735. Tena saṃsavako laddho gambhīro sataporiso,
\nTattha vassasahassāni tuvaṃ paccasi revate.

736. Hatthepi chindanti athopi pāde
\nKaṇṇepi chindanti athopi nāsaṃ,
\nAthopi kākoḷagaṇā samecca
\nSaṃgamma khādanti viphandamānaṃ.

737. Sādhu kho maṃ paṭinetha kāhāmi kusalaṃ bahuṃ,
\nDānena samacariyāya saññamena damena ca,
\nYaṃ katvā sukhitā honti na ca pacchānutappare.

1. Nāmāsī upāsako - sīmu [i]
\n2. Dānihaṃ - machasaṃ.
\n3. Eso hi - machasaṃ.
\n4. Saggamaggānaṃ - machasaṃ.

[BJT Page 146] [\x 146/]

738. Pure tuvaṃ pamajjitvā idāni paridevasi,
\nSayaṃ katānaṃ kammānaṃ vipākaṃ anubhossasi.

739. Ko devalokato manussalokaṃ
\nGantvāna puṭṭho me evaṃ vadeyya,
\nNikkhittadaṇḍesu dadātha dānaṃ
\nAcchādanaṃ sayana1 mathannapānaṃ
\nNa hi maccharī rosako pāpadhammo
\nSaggupagānaṃ labhati sahavyataṃ.

740. Sāhaṃ nūna ito gantvā yoni laddhāna mānusiṃ,
\nVadaññu sīlasampannā kāhāmi kusalaṃ bahuṃ:
\nDānena samacariyāya saññamena damena ca.

741. Ārāmāni ca ropissaṃ dugge saṅkamanāni ca,
\nPapañca udapānañca vippasannena cetasā

742. Cātuddasi pañcadasiṃ yā ca pakkhassa aṭṭhamiṃ,
\nPāṭihāriyapakkhañca aṭṭhaṅgasusamāgataṃ.

743. Uposathaṃ upavasissaṃ sadā sīlesu saṃvutā,
\nNa ca dāne pamajjissaṃ sāmaṃ diṭṭhamidaṃ mayaṃ.

744. Iccevaṃ vippalapantiṃ endamānaṃ tato tato,
\nKhipiṃsu niraye ghore uddhapādaṃ avaṃsiraṃ.

745. Ahaṃ pure maccharinī ahosiṃ
\nParibhāsikā samaṇabrāhmaṇānaṃ,
\nVitathena ca sāmikaṃ vañcayitvā
\nPaccāmahaṃ niraye ghorarūpe’ti.
\nRevatīpetīvatthu catutthaṃ.

4. 5

746. Idaṃ mamaṃ ucchuvanaṃ mahantaṃ
\nNibbattati puññaphalaṃ anappakaṃ,
\nTaṃ dāni ve paribhogaṃ na upeti3
\nĀcikkha bhante kissa ayaṃ vipāko.

[PTS Page 062] [\q  62/]

747. Haññāmi khajjāmi ca vāyamāmi
\nParisakkāmi paribhuññajituṃ kiñci.
\nSvāhaṃ chinnathāmo kapaṇo lālapāmi
\nKissa kammassa ayaṃ vipāko.

1. Seyya - sīmu [ii]
\n2. Uddhaṃ pādaṃ - machasaṃ.
\n3. Nadāni me taṃ paribhoga meti - sīmu [i]
\n 

[BJT Page 148] [\x 148/]

748. Vighāto cāhaṃ paripatāmi chamāyaṃ
\nParivattāmi vāricarova ghamme,
\nRudato ca me assukā niggalanti
\nĀcikkha bhante kissa ayaṃ vipāko.

749. Chāto kilanto ca pipāsito ca
\nSantasito sātasukhaṃ na vinde,
\nPucchāmi taṃ etamatthaṃ bhadanta
\nKathannu ucchuparibhogaṃ labheyyaṃ.

750. Pure tuvaṃ kammamakāsi attanā
\nManussabhūto purimāya jātiyā,
\nAhaṃ ca taṃ etamatthaṃ vadāmi
\nSutvāna tvaṃ etamatthaṃ vijāna.

751. Ucchuṃ tuvaṃ khādamāno payāto
\nPuriso ca te piṭṭhito anvagacchi, 1
\nSo ca taṃ paccāsaṃsanno kathesi
\nTassa tuvaṃ na kiñci ālapittha.

752. So ca taṃ abhaṇantaṃ ayāci
\nDehayya ucchunti ca taṃ avoca,
\nTassa tuvaṃ piṭṭhito ucchu adāsi
\nTassetaṃ kammassa ayaṃ vipāko.

753. Iṅgha tuvaṃ piṭṭhito gaṇha ucchuṃ
\nGahetvāna khādassu yāvadatthaṃ,
\nTeneva tvaṃ attamano bhavissasi
\nBhaṭṭho cudaggo ca pamodito ca.

[PTS Page 063] [\q  63/]

754. Gantvāna so piṭṭhito aggahesi
\nGahetvāna taṃ khādi yāvadatthaṃ,
\nTeneva so attamano ahosi
\nHaṭṭho cudaggo ca pamodito cā’ti.

Ucchupetavatthu pañcamaṃ.

4. 6

755. Sāvatthi nāma nagaraṃ himavantassa passato,
\nTattha āsuṃ dve kumārā rājaputtāti me sutaṃ.

756. Pamattā2 rajanīyesu kāmassādābhinandino,
\nPaccuppanne sukhe giddhā na te passiṃsu nāgataṃ.

1. Anugañchima - machasaṃ.
\n2. Sammattā - sīmu [i]

[BJT Page 150] [\x 150/]

757. Te cutā ca manussattā paralokaṃ ito gatā.
\nTedha ghosentyadissantā pubbe dukkaṭamattano.

758. Bahūsu vata santesu deyyadhamme upaṭṭhite,
\nNāsakkhimhā ca attānaṃ parittaṃ kātuṃ sukhāvahaṃ.

759. Kiṃ tato pāpakaṃ assa yaṃ no rājakulā cutā.
\nUppannā1 pettivisayaṃ khuppipāsāsampapitā.

760. Sāmino idha hutvāna honti assāmino tahiṃ,
\nCaranti2 khuppipāsāya manussā unnatonatā.

761. Etamādīnavaṃ ñatvā issaramadasambhavaṃ
\nPahāya issaramadaṃ bhave saggagato naro:
\nKāyassa bhedā sappañño saggaṃ so upapajjati’ti.

Kumārapetavatthu chaṭṭhaṃ.
\n4. 7

762. Pubbe katānaṃ kammānaṃ vipāko mathaye manaṃ,
\nRūpe sadde rase gandhe poṭṭhabbe ca manorame.

763. Naccaṃ gītaṃ rati khiḍḍaṃ anubhutvā anappakaṃ,
\nUyyāne paricaritvāna3 pavisanto giribbajaṃ.

[PTS Page 064] [\q  64/]

764. Isiṃ sunetta4 maddakkhi attadantaṃ samāhitaṃ
\nAppicchaṃ hirisampannaṃ uñche pattagate rataṃ.

765. Hatthikkhandhato oruyha laddhā5 bhanteti ca bruvi,
\nTassa pattaṃ gahetvāna uccaṃ paggayha khattiyo.

766. Thaṇḍile pattaṃ bhinditvā hasamāno apakkami,
\nRañño kitavassahaṃ putto kiṃ maṃ bhikkhu karissasi.

767. Tassa kammassa pharusassa vipāko kaṭuko ahu,
\nYaṃ rājaputto vedesi nirayamhi samappito.

768. Chaḷeva caturāsīti vassāni nahutāni ca,
\nBhusaṃ dukkhaṃ nigacchittho niraye katakibbiso.

1. Uppannā - pa.
\n2. Hamanti - machasaṃ.
\n3. Paricaritvā - machasaṃ.
\n4. Sunītaṃ - machasaṃ.
\n5. Laddhaṃ - machasaṃ.

[BJT Page 152] [\x 152/]

769. Uttānopi ca paccittha nikujjo vāmadakkhiṇo,
\nUddhaṃpādo ṭhito ceva ciraṃ bālo apaccatha

770. Bahūni vassasahassāni pūgāni nahutāni ca,
\nBhusaṃ dukkhaṃ nigacchittho niraye katakibbiso.

771. Etādisaṃ kho kaṭukaṃ appaduṭṭhappadosinaṃ.
\nPaccaniti pāpakammantā isimāsajja subbataṃ.

772. So tattha bahuvassāni vedayitvā bahuṃ dukhaṃ,
\nKhuppipāsāhato nāma peto āsi tato cuto.

773. Etamādīnavaṃ disvā1 issaramadasambhavaṃ,
\nPahāya issaramadaṃ nivātamanuvattaye.

774. Diṭṭheva dhamme pāsaṃso yo buddhesu sagāravo,
\nKāyassa bhedā sappañño saggaṃ so upapajjati’ti.

Rājaputtapetavatthu sattamaṃ.

4. 8

775. Gūthakūpato uggantvā ko nu dīno hi tiṭṭhasi, 2
\nNissaṃsayaṃ pāpakammanto kinnu saddahase tuvaṃ,
\n, 776. Ahaṃ bhaddanta petomhi duggato yamalokiko,
\nPāpakammaṃ karitvāna petalokamito gato.

[PTS Page 065] [\q  65/]

777. Kinnu kāyena vācāya manasā dukkaṭaṃ kataṃ,
\nKissa kammavipākena idaṃ dukkhaṃ nigacchasi.

778. Ahu āvāsiko mayhaṃ issukī kulamaccharī,
\nAjjhāsito3 mayhaṃ ghare kadariyo paribhāsako.

779. Tassāhaṃ vacanaṃ sutvā bhikkhavo paribhāsisaṃ,
\nTassa kammavipākena petalokamito gato.

780. Amitto mittavaṇṇena yo te āsi kulupako,
\nKāyassa bhedā duppañño kinnu pecca gatiṃ gato.

781. Tassevāhaṃ pāpakammassa sīse tiṭṭhāmi matthake,
\nSo ca paravisayaṃ patto mameva paricārako.

782. Yaṃ bhaddanta4 hadantaññe etaṃ me hoti bhojanaṃ,
\nAhaṃ ca kho yaṃ hadāmi etaṃ so upajīvati’ti.

Gūthakhādakapetavatthu aṭṭhamaṃ.

1. Ñatvā - machasaṃ.
\n2. Dīno patiṭṭhasi - machasaṃ.
\n3. Ajjho sito - sīmu [i,] sīmu [ii]
\n4. Bhadante - machasaṃ.

[BJT Page 154] [\x 154/]

4. 9

783. Gūthakūpato uggantvā kā nu dīnā hi tiṭṭhasi,
\nNissaṃsayaṃ pāpakammantā1 kinnu saddahase tuvaṃ.

784. Ahaṃ bhaddanta petīmhi duggatā yamalokikā,
\nPāpakammaṃ karitvāna petalokamito gatā.

785. Kinnu kāyena vācāya manasā dukkaṭaṃ kataṃ,
\nKissa kamma vipākena idaṃ dukkhaṃ nigacchasi.

786. Ahu āvāsiko mayhaṃ issukī kulamaccharī,
\nAjjhāsito mayhaṃ ghare kadariyo paribhāsako.

787. Tassāhaṃ vacanaṃ sutvā bhikkhavo paribhāsisaṃ,
\nTassa kammavipākena petalokamito gatā.

788. Amitto mittavaṇṇena yo te āsi kulūpako,
\nKāyassa bhedā duppañño kinnu pecca gatiṃ gato.

789. Tassevāhaṃ pāpakammassa sīse tiṭṭhāmi matthake,
\nSo ca paravisayaṃ patto mameva paricārako.

790. Yaṃ bhaddanta hadantaññe etaṃ me hoti bhojanaṃ,
\nAhaṃ ca kho yaṃ hadāmi etaṃ so upajīvatī’ti.

Gūthakhādakapetivatthu navamaṃ.

4. 10

791. Naggā dubbaṇṇarūpāttha kisā dhamanisanthatā2,
\nUpphāsulikā kisikā ke nu tumbhettha mārisā.

792. Mayaṃ bhaddanta3 petāmhā duggatā yamalokikā,
\nPāpakammaṃ karitvāna petalokamito gatā.

793. Kinnu kāyena vācāya manāsā dukkaṭaṃ kataṃ,
\nKissa kammavipākena petalokamito gatā.

1. Kammanti - machasaṃ.
\n2. Saṇaṭhitā - machasaṃ.
\n3. Bhadante - machasaṃ.

[BJT Page 156] [\x 156/]

794. Ānavaṭesu titthesu vicinimbhaddhamāsakaṃ,
\nSantesu deyyadhammesu dīpaṃ nākambha attano.

795. Nadiṃ upema tasitā rittakā parivattati,
\nChāyaṃ upema uṇhesu ātapo parivattati.

[PTS Page 066] [\q  66/]

796. Aggivaṇṇo ca no vāto dahanto upavāyati,
\nEtañca bhante1 arahāma aññañca pāpakaṃ tato.

797. Adhi yojanāni gacchāma chātā āhāragedhino,
\nAladdhāva nivattema aho no appapuññatā.

798. Te ca tattheva patītā2 bhūmiyaṃ paṭisumbhitā,
\nUttānā patikirāma avakujjā patāmase.

799. Te ca tattheva patītā2 bhūmiyaṃ paṭisumbhitā,
\nUraṃ sīsañca ghaṭṭema aho no appapuññatā.

800. Etañca bhante arahāma aññaṃ ca pāpakaṃ tato,
\nSantesu deyyadhammesu dīpaṃ nākambha attano.

801. Te hi nūna ito gantvā yoniṃ laddhāna mānusiṃ,
\nVadaññū sīlasampannā kāhāma kusalaṃ bahu’nti.

Gaṇapetavatthu dasamaṃ.

4. 11

802. Diṭṭhā tayā nirayā tiracchānayoni
\nPetā asurā athavāpi manussā devā3
\nSayamaddasa4 kammavipākamattano
\nNessāmi taṃ pāṭaliputtamakkhataṃ
\nTattha gantvā kusalaṃ karohi dhammaṃ.

803. Atthakāmosi me yakkha hitakāmosi devate,
\nKaromi tuyhaṃ vacanaṃ tvaṃsi ācariyo mama.

804. Diṭṭhā mayā nirayā tiracchānayoni
\nPetā asurā athavāpi manussā devā
\nSayamaddasa kammavipākamattano
\nKāhāmi puññāni anappakānī’ti.

Pāṭalīputtapetavatthu ekādasamaṃ.

1. Bhadante - machasaṃ.
\n2. Tatthappatīkā - machasaṃ.
\n3. Atha mānusā devā - machasaṃ.
\n4 Addasaṃ - machasaṃ.
\n[BJT Page 158] [\x 158/]

4. 12

805. Ayañca te pokkharaṇi surammā
\nSamā suppatitthā mahodikā ca, 1
\nSupupphitā bhamaragaṇānukiṇṇā
\nKathaṃ tayā laddhā ayaṃ manuññā.

[PTS Page 067] [\q  67/]

806. Idañca te ambavanaṃ surammaṃ
\nSabbotukaṃ dhārayate phalāni,
\nSupupphītaṃ bhamaragaṇānukiṇṇaṃ
\nKathaṃ tayā laddhamidaṃ vimānaṃ.

807. Ambapakkodakā yāgu sītacchāyā manoramā,
\nDhītarā dinnadānena tena me idha labbhati.

808. Sandiṭṭhikaṃ kammaṃ evaṃ passatha
\nDānassa damassa saṃyamassa vipākaṃ,
\nDāsī ahaṃ ayyakulesu hutvā
\nSuṇisā homi agārassa ca issarā’ti.

Pokkharaṇīpetavatthu dvādasamaṃ.

4. 13

809. Yaṃ dadāti na taṃ hoti detheva dānaṃ datvā ubhayaṃ tarati,
\nUbhayaṃ tena dānena gacchati jāgaratha mā pamajjathā’ti.

Ambarukkhapetavatthu terasamaṃ.

4. 14

810. Mayaṃ bhoge sambharimhā samena visamena ca,
\nTe aññe paribhuñjanti mayaṃ dukkhassa bhāginī’ti.

Bhogasaṃharaṇapetavatthu cuddasamaṃ.

4. 15

811. Saṭṭhivassasahassāni paripuṇṇāni sabbaso,
\nNiraye paccamānānaṃ kadā anto bhavissati.

812. Natthi anto kuto anto na anto patidissati,
\nTathā hi pakataṃ pāpaṃ mama tuyhaṃ2 ca mārisa.

1. Mahodakā ca - machasaṃ.
\n2. Tuyhaṃ mayhaṃ ca - machasaṃ.

[BJT Page 160] [\x 160/]

[PTS Page 068] [\q  68/]

813. Dujjīvitaṃ ajīvimha ye sante na dadambhase,
\nSantesu deyyadhammesu dīpaṃ nākamha attano.

814. So hi1 nūna ito gantvā yoniṃ laddhāna mānusiṃ,
\nVadaññū sīlasampanno kāhāmi kusalaṃ bahu’nti.

Seṭṭhiputtapetavatthu paṇṇarasamaṃ.

4. 16

815. Kinnu ummattarūpo ca migo bhanto va dhāvasi,
\nNissaṃsayaṃ pāpakammanto kinnu saddāyase tuvaṃ.

816. Ahaṃ bhaddanta petomhi duggato yamalokiko,
\nPāpakammaṃ karitvāna petalokaṃ ito gato.

817. Saṭṭhikūṭasahassāni paripuṇṇāni sabbaso,
\nSīse mayhaṃ nipatanti te bhindanti ca2 matthakaṃ.

818. Kinnu kāyena vācāya manasā dukkaṭaṃ kataṃ,
\nKissa kammavipākena idaṃ dukkhaṃ nigacchasi.

819. Saṭṭhīkūṭasahassāni paripuṇṇāni sabbaso,
\nSīse tuyhaṃ nipatanti te bhindanti ca matthakaṃ.

820. Athaddasāsiṃ sambuddhaṃ sunettaṃ bhāvitindriyaṃ,
\nNisinnaṃ rukkhamūlasmiṃ jhāyantamakutobhayaṃ.

821. Sālittakappahārena bhindissaṃ tassa matthakaṃ,
\nTassa kammavipākena idaṃ dukkhaṃ nigacchisaṃ.

822. Saṭṭhikūṭasahassāni paripuṇṇāni sabbaso,
\nSīse mayhaṃ nipatanti te bhindanti ca matthakaṃ.

823. Dhammena te kāpurisā-
\nSaṭṭhikūṭasahassāni paripuṇṇāni sabbaso,
\nSīse tuyhaṃ nipatanti te bhindanti ca matthaka’nti.
\nSaṭṭhikūṭasahassapetavatthu soḷasamaṃ.

Mahāvaggo catuttho.

Tassuddānā: -

Ambasakkharo serissako piṅgalo revatī ucchukhādakā
\nDve kumārā dve gūthakhādakā gaṇapāṭali pokkharañca ambarukkhabhogasaṃhārā seṭṭhiputta saṭṭhikūṭā iti soḷasavatthūni tena pavuccati’ti.

Petavatthu pāḷi samattā.

1. Sohaṃ - machasaṃ.
\n2. Vobhindanteva - dhammapadaṭṭhakathā.
\n